لا تستخدمى الشبه ابدا

اولا لازم نعرف ان العرق ده حاجة طبيعية جدا ومفيدة جدا للجسم؟

اقولك مفيش حاجة ربنا بيخلقهالنا هباءا ابدااااااااا-
العرق ده مش لعبة و لا حاجة غير ذات فائدة..لو حضرتك جسمك سخن فان جهاز
التبريد الطبيعى فى جسمك هوة العرق الذى تسعين لاخفائه ..دى رسالة اخرى
- من وظائف السائل العرقى ايضا التخلص من بعض المواد الضارة و الزائدة
كالبوتاسيوم الزائد و الصوديوم الزائد و حمض اللاكتيك المتكون اثناء
الرياضة و الذى يسبب تراكمه كما يعرف المتخصصون تعب و انهاك للعضلات ..
- السائل العرقى المفرز من الغدد العرقية برىء من الرائحة الكريهة ..و الله
العظيم برىء يا بيه ..لانه سائل عديم الرائحة ..الظالم فى هذه القضية هى
البكتريا التى تحوله لمنتجات اخرى كريهة الرائحة..يعنى بكل بساطة امنع
التحلل البكتيرى للعرق و لا تمنع العرق نفسه ..تتخلص من مشكلة رائحة العرق
الكريهة ..
- ميكانيكية افراز العرق حاجة فى منتهى الحكمة و الروعة من اله حكيم
عليم..فالغدد مزودة بثرموستات يقيس درجة حرارة الجلد المحيط...اول ميحس
بلخبطة يرسل اشارة لمركز ضبط الحرارة فى الجسم ((الهيبوثالامس))اللى فى
المخ طبعا ..بدوره يجاوب الغدد باشارات تفرز ناقل عصبى معين بدوره يحفز
افراز العرق ..اللى حضرتك جاهزة له بمضاد لافرازه ..فعلا غريبه ..
- العجيب و الغريب سبحان الله انه مع انه اثناء التعرق يفقد كلوريد صوديوم
اللى هوة الملح فانه فى حالة زيادة بذل مجهود فانه يقل جدا افرازه مع العرق
لحاجة الجسم اليه عند بذل مجهود..بل ان زيادة افرازه مع العرق يعد دليلا
على مرض و خلل غير طبيعى ..وبتحليل بسيط لنسبة الملح فى العرق يعرف هذا
الخلل ..سبحان الله فعلامن الظريف جدا ان اصحاب هذا الخلل بيسموهم ((اصحاب
القبلة المالحة))هههههههه...يعنى اختبار المرض هو طعم القبله ..ده الطب
اتقدم صحيح اهو
- ركزو فى دى جدا ...فى فرق كبير جدا بين ((موانع التعرق ))و((مضادات رائحة
العرق)) ...الاول يمنع افراز العرق الطبيعى ...عن طريق استخدام مواد معينة
احفظوها معايا ...
*الالومنيوم تراى كلوروهيدرات ودى اللى هيه ببساطة اوى الشبة..اللى بيحطها
كل العطارين فى بوردراتهم وال ايه طبيعية و من الطبيعة ..ربنا يحميكم يا
غلابة يا بتوع الطبيعة
*الالومنيوم زركونيوم تراى كلوروهيدرات
اى الومنيوم او زركونيوم ..خلى بالك منه....المركبات دى بتدخل الغدد تتحد
بالماء ...تدى مركب ايونى ضخم الحجم طبعا بالنسبة للخليه ..يسد الغدة يحبس
نفس العرق ...بيسموها نظرية السد العرقى ..دى منتجات منع التعرق ...الحاجات
التانية اسمها ((مضادات رائحة العرق ))ودى عادية جدا ..اما بتشتغل بريحتها
الحلوة بس او بريحتها الحلوة مع مضاد للبكتريا المحللة للعرق ,..ودى أأمن
بكتير ..وهيبقى لنا معاها وقفة فى حالة عرق الجسم باذن الله
- ودى مفاجأة لكل مستخدمى مضادات التعرق ..اللى بيسدو مجارى الغدد
العرقية...فى بحوث اجراها فريق بريطانى قسم الكيمياء الحيوية جامعة كيلى
..وجدو حاجة غريبة قوى ..ان معظم خلايا العينات الماخوذة من مريضات سرطان
الثدى ..تحتوى على مستوى عالى جدا من الالومنيوم ..مقارنة بغيرهن ..وان ده
بيتركز فى الخلايا الخارجية منها اكثر من الداخلية ..مما دعا الفريق لاقامة
علاقة ..بين السرطنة الثديية...وبين محتوى مضادات التعرق من الالومنيوم ..

[size=16]انا الكلام ده قريته فى مقال لدكتور اسمه د.حكيم.

فى كذا وصفة طبيعية ....................

اول حاجة غسل المنطقة كل يوم وخصوصا فى الحر القاتل ده مش لازم يا ستى تستحمى لو مش عايزة بس اغسيلها ع الاقل. وادى وصفات طبيعية

1.اللمون
( تجيبى نص لمونة وتعصريها وانتى بتدعكى المنطقة)لكن مع الحرص الشديد
لانها قد تسبب حروق للبعض الافضل اول مرة نجربها دقيقه ونشطف وكل مرة نزيد
المدة تدريجيا حتى نتاكد انه الليمون مش هيتسبب في التهاب المنطقة
2. خل (خل ابيض او تفاح ويخفف بماء على فكرة الخل ده جبااااااااار ف القضاء على البكتريا والريحة حتروح بعد شوية بس جنحى خمسة كدة)
3. قشر رمان مطحون بنفس الطريقة بعد الغسيل.
4. ودى اللى انا حعملها ان شاء الله دلوقتى بعد ما اكمل الموضوع وجبتها من موقع اجنبى ( بيكربونات الصوديوم ونشا و عليهم اى زيت عطرى او زيت جوز هند انا جبت زيت برفان خام وححط كام نقطة واخلطهم وباسفنجة زى ما كنا بنستخدم الشبه بالظبط)

[/size]